ഇത് കാലത്തും നമ്മുടെ ചിന്തകളെ സ്വാധീനിക്കുന്നവയവയാണ് നരേറ്റീവുകൾ.നമ്മുടെ ചുറ്റുമുള്ള സംഭവങ്ങളെ എളുപ്പത്തിൽ മനസിലാക്കാൻ ഉതകുന്ന തരത്തിലുള്ള ഭാവനാത്മകമായ വിവരണം ആണ് നരേറ്റീവുകൾ.ഇവ രൂപപ്പെടുന്നത്തിന് പിന്നിൽ ചില അടിസ്ഥാന സങ്കൽപ്പങ്ങൾ ഉണ്ട്.അത്തരത്തിലുള്ള ചില സങ്കല്പങ്ങളെപ്പറ്റിയാണ് ഇവിടെ ചിന്തിക്കുന്നത്.
ജനസംഖ്യാ വർദ്ധനവ് രാജ്യത്തെ പട്ടിണിയിലേക്കും അവികസിതാവസ്ഥയിലേക്കും നയിക്കും എന്നതാണ് ഒരു സങ്കൽപ്പം.ഇത് ഇപ്പോൾ കേൾക്കാനില്ല.ജനങ്ങളുടെ എണ്ണം കൂടുമ്പോൾ രാജ്യത്തെ വിഭവങ്ങൾ കൂടുതൽ പേർക്കായി വീതം വെക്കേണ്ടി വരുമെന്നും അതിൻ്റെ ഫലമായി ഓരോർത്തർക്കും ലഭിക്കുന്ന വിഭവങ്ങൾ കുറയും എന്നുമുള്ള സങ്കൽപ്പമായിരുന്നു ഈ വിശ്വാസത്തിന് കാരണം. എന്നാൽ രാജ്യത്തിന് സമ്പത്ത് വർദ്ധിപ്പിക്കാൻ കഴിയുമെന്നും വിദ്യാഭ്യാസം നേടിയ ജനങ്ങൾ ഈ സമ്പത്ത് വർധനവിന് ആവശ്യമായ ഉപാധിയാണെന്നും മനസിലായതോടെ ജനങ്ങൾ ,പ്രത്യേകിച്ചും യുവജനങ്ങൾ രാജ്യ പുരോഗതിക്ക് അനിവാര്യമാണ് എന്ന് ലോകം മനസിലാക്കി.ഇപ്പൊൾ ആരും പഴയതുപോലെ ജനസംഖ്യാ നിയന്ത്രണത്തെക്കുറിച്ച് സംസാരിക്കുന്നില്ല.
ഇതുപോലുള്ള മറ്റൊരു വാദമായിരുന്നു ഉന്നത വിദ്യാഭ്യാസത്തെ മുതലാളിത്ത താത്പര്യങ്ങൾക്ക് അനുസൃതമായി മാറ്റുന്നു എന്ന്.വ്യവസായ രംഗത്ത് ആവശ്യമായ സ്കില്ലുകൾ വളർത്തുന്ന സ്ഥാപനങ്ങളായി ഉന്നതവിദ്യാഭ്യാസ രംഗത്തെ മാറ്റാനുള്ള ശ്രമം നടന്നപ്പോഴെല്ലാം വിദ്യാഭ്യാസത്തെ മുതലാളിത്തത്തിന് തീറെഴുതുന്നു എന്ന ആരോപണവും ഉയർത്തിയിട്ടുണ്ട്. എന്നാൽ സമ്പദ്ഘടനക്ക് ആവശ്യമായ മാനവ ശേഷി വർധിപ്പിക്കുകയാണ് ഉന്നത വിദ്യാഭ്യാസത്തിൻ്റെ ലക്ഷ്യം എന്ന് മനസിലാകിയതോടെ ഇപ്പോൾ ആരും പഴയ വാദങ്ങൾ ഒന്നും ഉയർത്താറില്ല.എല്ലാവരും സ്റ്റാർട്ട് അപ്പുകളുടെയൊക്കെ പിറകിലാണ്.
പ്രചാരം കുറഞ്ഞുകൊണ്ടിരിക്കുന്ന മറ്റൊരു സങ്കൽപ്പമാണ് മുതലാളിത്തത്തിൻ്റെ കടന്നു കയറ്റത്തോടെ ധനികർ കൂടുതൽ ധനികരാവുകയും ദരിദ്രർ കൂടുതൽ ദരിദ്രർ ആവുകയും ചെയ്യുന്നു എന്നത്.ഒരു രാജ്യത്തിന് നിശ്ചിതമായ ധനം മാത്രമാണ് ഉള്ളത് എങ്കിൽ പണക്കാർ കൂടുതൽ ഭാഗം പിടിച്ചെടുത്താൽ ദരിദ്രർക്ക് കുറച്ചു മാത്രമേ ലഭിക്കുകയുള്ളൂ.അപ്പം പങ്കുവെക്കുന്ന കണക്കുപോലെ.ഒരു അപ്പത്തിൻ്റെ വലിയ ഭാഗം ഒരു വിഭാഗം കൈക്കലാക്കിയാൽ ബാക്കിയുള്ള ഭൂരിപക്ഷം വരുന്നവർക്ക് അപ്പത്തിൻ്റെ ചെറിയ ഭാഗം കൊണ്ട് തൃപ്തിപ്പെടേണ്ടി വരും.എന്നാൽ അപ്പം വളർന്നുകൊണ്ടിരിക്കയാണെങ്കിലോ? അപ്പോഴും അപ്പത്തിൻ്റെ വലിയ ഭാഗം ന്യൂനപക്ഷം കൈവശപ്പെടുത്തിയാലും ഭൂരിപക്ഷത്തിന് ലഭിക്കുന്ന അപ്പത്തിൻ്റെ അളവിൽ വർധനയുണ്ടാകുന്നുണ്ട്.ഇങ്ങനെയാണ് മുതലാളിത്ത സമൂഹം പ്രവർത്തിക്കുന്നത്.അവിടെ സമ്പത്തിൽ തുടർച്ചയായ വർദ്ധനവ് ഉണ്ടാകുന്നു.അതനുസരിച്ച് ദരിദ്രരുടെ പോലും വരുമാനത്തിലും വർധനവുണ്ടാകും.മാത്രമല്ല വ്യവസായ വളർച്ചക്ക് ആവശ്യമായ സ്കില്ലുകൾ നേടുന്നവർക്ക് ലഭിക്കുന്ന ഉയർന്ന വേതനങ്ങളിലൂടെ സമൂഹത്തിൽ സമ്പത്തിൻ്റെ വിതരണവും നടക്കുന്നു.ഇത് സമ്പത്ത് സമൂഹത്തിൻ്റെ താഴേത്തട്ടിൽ ഉള്ളവരിൽ പോലും സമ്പത്ത് എത്തിച്ചേരാൻ കാരണമാകും.
ഇപ്രകാരമാണ് കാലാ കാലങ്ങളിൽ നറേറ്റിവുകൾ നമ്മുടെ ചിന്തയെ മാറ്റി മാറിക്കുന്നത് .
